Garesbidek klima-aldaketaren mehatxua erabili nahi du tokiko ekonomia eta ekonomia zirkularra dinamizatzen dituzten tokiko ekintza-planak bultzatzeko, hiru ardatz nagusi bultzatuz:

1. SORKUNTZA BANATUA ETA DESZENTRALIZATUA: Baliabide autoktonoak eta berriztagarriak modu eraginkor eta arduratsuan erabiliz.

2. HERRITARREN PARTE-HARTZEA: Energia-eredua birformulatuz, antzinako formulak berreskuratzeko eta orainera eta etorkizunera eguneratzeko. Energiaren erabiltzaileak ardatz dituen eredu bat nahi da, energia ondasun komun gisa ulertuz, eta ez merkantzia gisa.

3. KO-JABETZA ETA GOBERNANTZA EREDU BERRIAK: Energia alorrean erabakiak hartu ahal izateko antolaketa eredu eta egitura berriak definitzea garestarrek eta garestientzat. Horren guztiaren helburua trantsizio energetikoan aurrera egitea da, eta, aldi berean, gizarteak galdera hauen erantzunen gaineko kontzientzia hartzea: Energia zertarako? Energia norentzat? Energia noren eskuetan? besteak beste. Azken finean, Garesbideren asmoa da tokian-tokian energia-ekintzak modu arduratsuan sustatzea, gaur egun pertsona guztiei bizitza duina ahalbidetzeko, etorkizuneko belaunaldiak eta ama lurra baldintzatu gabe.