Kooperatiba honen helburua da energia-komunitate berriztagarri baten jarduerak garatzea Igeldoko (Gipuzkoa) tokiko erakunde txikiaren eremu geografikoan, Europako direktibetan finkatutako printzipioen arabera. Hala, ingurumen-, ekonomia- eta gizarte-onurak emango dizkie bazkideei eta lan egiten duen tokiko eremuari, finantza-irabazien ordez. Horretarako, eremu hauetan jardungo du: • Energia-kontsumoa murriztea, energia-eraginkortasuneko neurrien, prestakuntzaren, informazioaren eta aholkularitza-zerbitzuen bidez, bai eta birgaitze partzial, sakon eta integralaren arloko esku-hartzeen bidez ere. • Mugikortasunaren alorrean energia-mendekotasuna murrizteko beharrezkoak diren ekintzak, lehentasun hauek errespetatzen dituzten plan eta zerbitzu espezifikoak sustatuz: oinez mugitzea, bizikletaz edo baliabide mekanikoz ibiltzea sistema osagarririk erabili gabe, mugikortasun-baliabideak partekatzea, betiere jatorri berriztagarriko erregaiak erabiltzen badituzte. • Energia berriztagarrien proiektuak sustatzea, erkidegoan gutxienez energia-nahikotasuna lortzeko. Proiektuak honelakoak izan daitezke: oIturri berriztagarrietan oinarritutako elektrizitate-sorkuntzako proiektuak gauzatzea, batez ere eguzki-teknologia fotovoltaikoan, eolikoan eta hidroelektrikoan oinarritutakoak. • Energiaren banaketa, hornidura, kontsumoa, agregazioa, biltegiratzea, energia-eraginkortasuneko zerbitzuak ematea edo zerbitzuak ematea.