Nahi duten pertsona eta erakundeek bat egin dezakete Euskal Herriko 343 udalerritan Gizarte Ekonomiaren Komunitate Energetiko berrien sorrera bultzatzeko, gero eta beharrezkoagoa den trantsizio energetikoan aurrera pausu bat emateko.

Horretarako, Goienerrek parte hartzen duen Som Comunitats proiektutik, herritarrak, administrazio publikoa eta lurraldeko enpresak animatzen ditugu kanpainarekin bat egitera eta, guztien artean, 343 Komunitate Energetiko baino gehiago aktibatzera.

Bat egitea erraza da, nahikoa da zuen udalerria edo auzoa mapa honetan bilatzea. Bertan Komunitate Energetiko bat aurkituko duzue izena emateko. Pertsonen helburua lortutakoan, lehenengo topaketa bat antolatzeko unea izango da, Komunitatea eratzen hasteko:

– mapa ireki –

Ekimen hau estatu mailan 1.800 energia-erkidego berri baino gehiago sustatzeko aliantzaren parte da, eta Madrilen, Gaztela eta Leonen eta Katalunian ere gauzatzen ari da, laster Valentziako, Andaluziako eta Extremadurako autonomia-erkidegoetako udalerrietan errepikatuko dela aurreikusiz. 

Energia-komunitateen bidez, udalerri edo hiri handiko auzo bakoitzeko pertsonak energia zerbitzuak aktibatzeko eta partekatzeko antola gaitezke, hala nola plaka fotovoltaikoak kolektiboki instalatzea, ibilgailu elektrikoak partekatzea edo gure eraikinen energia-eraginkortasuna hobetzea, beste askoren artean.

Euskal Herrian, dagoeneko, Energia Komunitateen 13 kasu arrakastatsu daude martxan. Horiei guztiei buruzko informazio gehiago aurkituko duzue maparen goiko aldean dagoen “Iragazkiak” botoia erabiliz eta “Komunitate irekiak” kategoria hautatuz.

Badakigu pertsona askoren baturak energia geldiezina sor dezakeela. Horixe da helburua, energia fosilik gabeko trantsizio energetikoa, %100 berriztagarria, demokratikoa, deszentralizatua eta tokikoa ahalbidetu nahi badugu.

– ikusi bideoa –

Estatu mailan Ekonomia Sozialaren Komunitate Energetikoak sustatzeko elkarlanean ari garen kooperatibak hauek dira: Goiener, Som Energia, Som Mobilitat, Tandem Social, ePlural, Ecooo, Energética, AeioLuz, Cooperase y Enverde.

Som Comunitats bigarren mailako kooperatiba bat da, eta ezagutzak eta esperientziak batuta, kode libreko tresna berritzaileak garatzen ari da, energia-komunitateen aktibazioari, kudeaketari eta jasangarritasunari laguntzeko.